Балабақшада ұжымды біріктіру,педагогтарды бір-бірімен қарым-қатынас жасаудағы кедергілерді жою, эмоциялық көңіл-күйді белсендіру, кәсіби құлшынысты арттыру, жігерлендіріп,көңіл-күйін көтеру, қарым-қатынастың белсенді стилін дамыту, достықтың адам өміріндегі өзіндік ерекшеліктерін ұғындыру арқылы, педагогтардың достық қасиеттерін ұштау мақсатында «Ұжымдағы достықты қадірлеу» тақырыбында психологиялық тренинг өтті.

Тренингті балабақша педагог-психологы Ізтелеуова М.Т. жүргізді. «Сәлемдесу» жаттығуынан басталған тренинг «Қасиеттер жәрмеңкесі» «Жұдырықты ашу» «Аялы алақан» «Сиқырлы кесе» жаттығуларымен жалғасты. Педагогтар тренинг барысында шынайы достық сезімдерін риясыз көңіл-күймен жеткізе білді. С.Бәйтерековтың «Дос туралы жырымен» қорытындыланған психологиялық тренингтен педагогтар керемет әсер алды.