«Шағала» бөбекжай-бақшасы ұжымы «Қайыршақты ауылдық округ әкімі аппараты» мемлекеттік мекемесінің қолдау көрсетуімен және «Жеті жарғы» қоғамдық қорының ұйымдастыруымен өткізілген «Сарғайса да тарихтың ақ парағы,сол күндер мәңгі есте сақталады» тақырыбында өткізілген Жеңіс күніне арналған театрланған қойылым байқауына қатынасты. Байқау ережесінде көрсетілген жастар арасында тарихты құрметтеу,ардагерлерді сыйлау санасын қалыптастыру,жастар арасында Отансүйгіштік қағиданы дамыту, еліміздің патриоты болуға шақыру мақсаттарын басшылыққа ала құрылған балабақша қызметкерлерінің қойылымында Кеңес Одағының Батыры Мәншүк Маметованың ерлігі насихатталды. Қойылым сценариін жазған балабақша саз жетекшісі А.Т.Бопылдықова берілген тақырыпты ашуда өзінің көп жылдық іс-тәжірибесін және шығармашылық ізденісін көрсетті. Қайыршақты ауылдық округ тұрғындары балабақша ұжымының өнеріне қошамет көрсетіп, риза болды. Қоғам қайраткерлерінен, театр саласының мамандарынан құрылған әділ-қазылар алқасы бөбекжай-бақшасы ұжымының өнерін жоғары бағалап,І-дәрежелі Диплом табыстады.